Lögregluhundur finnur fíkniefni

Tveir karlar og kona voru færð á lögreglustöð á sunnudagsmorgun en í fórum þeirra fundust lyf sem þau gátu ekki gert grein fyrir. Það var sérþjálfaður lögregluhundur frá lögreglunni sem fann fíkniefnin. Fólkið, sem er um tvítugt og var í annarlegu ástandi, var stöðvað við hefðbundið eftirlit en fíkniefnin voru vel falin í bíl þeirra.

Lögreglan fann ætluð fíkniefni í tveimur öðrum bílum um helgina. Á laugardaginn var 19 ára karlmaður tekinn í miðborginn, en sá var færður á lögreglustöð í annarlegu ástandi ásamt farþega sem var með ætluð fíkniefni í fórum sínum. Aðfaranótt mánudags var annar 19 ára karlmaður tekinn. Með í för var karlmaður, nokkru eldri. Báðir voru handteknir, grunaðir um fíkniefnamisferli.