Nedved áfram hjá Juventus

Tékkneski miðjumaðurinn Pavel Nedved hefur samþykkt að vera eitt ár í viðbót hjá Juventus ef marka má fregnir frá Tórínó í dag. Nedved er 34 ára gamall og sagðist líklega leggja skóna á hilluna í sumar ef hann fengi ekki veglega kauphækkun fyrir næsta ár.

Sömu sögu er að segja af félaga hans Mauro Camoranesi, en hann hefur fengið góða launahækkun og framlengdi til ársins 2010. Þeir léku báðir með Juventus í B-deildinni á síðasta tímabili þar sem liðið var dæmt til að spila vegna aðildar sinnar að Ítalíuskandalnum.