Passið ykkur í Kaupmannahöfn

Lögreglan í Kaupmannahöfn hefur varað við hrottalegum erlendum vasaþjófum sem stunda iðju sína á járnbrautarstöðinni í hjarta borgarinnar. Þjófarnir rekast harkalega utan í fólk í rúllustigunum. Fólkið ber fyrir sig hendurnar til þess að detta ekki og í látunum hreinsa þjófarnir af því veski og önnur verðmæti.

Lögreglan segir að þjófarnir komi frá Austur-Evrópu og láti sig engu skipta þótt fórnarlömbin meiðist. Í gær var rúmensk kona handtekin á járnbrautarstöðinni fyrir hrottalega ránstilraun. Það er því eins gott fyrir ferðamenn að hafa varann á í rúllustigum stöðvarinnar.