Bush undirritar reglur um yfirheyrslur grunaðra hryðjuverkamanna

George W. Bush Bandaríkjaforseti undirritaði í dag nýjar reglur um yfirheyrslur grunaðra hryðjuverkamanna. Samkvæmt reglunum verður bannað að beita grimmilegum eða ómannúðlegum yfirheyrsluaðferðum, niðurlægja fanga eða misbjóða trú þeirra.

Bush vildi ekki útskýra hvaða aðferðir verði bannaðar í kjölfar nýju reglnanna né hvað yrði leyfilegt. Bandaríkjamenn hafa sætt harðri gagnrýni fyrir að beita harkalegum yfirheyrsluaðferðum á fanga sem grunaðir eru um aðild að hryðjuverkum.