Utanríkisráðherra Líbýu sagði í morgun að heilbrigðisstarfsfólkið sem hafði verið í haldi í landinu hefði verið sent til Búlgaríu eftir að Evrópusambandið og Líbýa skrifuðu undir samstarfssamning.
Í honum er fallist á að tengsl sambandsins og Líbýu verði aukin til muna á öllum mögulegum sviðum, þar á meðal í viðskiptum, fornleifarannsóknum, innflytjendamálum, styrkjum til stúdenta og þá verður Líbýumönnum gert auðveldara að fá vegabréfsáritanir til Evrópu. Bein fjárhagsaðstoð við landið verður þó ekki aukin.
