Aðdáendur upp á svið

Rivers Cuomo, forsprakki hljómsveitarinnar Weezer, ætlar að bjóða aðdáendum sínum upp á svið með sér á tónleikum í Kaliforníu 25. nóvember. Cuomo er að kynna sína nýjustu sólóplötu, Alone II, og vill með þessu vekja enn meiri athygli á gripnum.

„Allir geta tekið þátt, þið þurfið ekki einu sinni að koma með hljóðfæri. En ef þið komið með hljóðfæri verðið þið hluti af hópnum sem fær að velja lögin sem við spilum," sagði Cuomo. Hann verður einnig með tölvu á sviðinu sem hann notast við ef hann þekkir ekki texta óskalaganna frá aðdáendum sínum.