Giovinco íhugar að fara til Arsenal

Samkvæmt ítölskum fjölmiðlum íhugar hinn 21 árs gamli Sebastian Giovinco nú að yfirgefa Juventus og ganga til liðs við Arsenal sem hefur lengi haft auga á kappanum.

Giovinco mun vera óánægður með hversu lítið hann hefur fengið að spila en hann sagði fyrir stuttu að hann þyrfti að fá að spila reglulega. Einnig á hann nú í viðræðum um nýjan samning við Juventus en félagið vill ekki mæta launakröfum hans.

Gioovinco hefur aðeins spilað í 25 mínútur í þeim fimm leikjum sem er lokið hjá Juventus á tímabilinu en það var í leik gegn Artmedia frá Slóvakíu í forkeppni Meistaradeildarinnar í síðasta mánuði.