Opið fyrir Shevchenko

Í ítölskum fjölmiðlum síðustu daga hefur mikið verið fjallað um hugsanlega endurkomu úkraínska sóknarmannsins Andriy Shevchenko til AC Milan.

Shevchenko hefur ekki fundið sig hjá Chelsea og hefur sagst vilja snúa aftur til AC Milan.

„Það hafa einhverjir fjölmiðlar talað um að það verði ekki pláss fyrir Shevchenko í okkar herbúðum. Það er ekki rétt. Það er alltaf pláss fyrir leikmenn eins og hann hjá okkur," sagði Carlo Ancelotti, þjálfari AC Milan.

„Það eru alveg góðar líkur á endurkomu hans og hann kæmi að góðum notum."