Zlatan heim til Svíþjóðar

Zlatan Ibrahimovic fer á morgun heim til Svíþjóðar þar sem hann mun freista þess að ná sér góðum af hnémeiðslum sem hafa verið að hrjá hann. Tímabilið er sennilega búið hjá honum.

Zlatan er lykilmaður í sænska landsliðinu sem keppir á EM í sumar og mun hann nú reyna að ná sér góðum í tæka tíð fyrir mótið.

Hann hefur misst af síðustu þremur leikjum Inter vegna meiðsla sinna og mun að minnsta kosti missa af leikjum liðsins gegn Torino á sunnudaginn og gegn Cagliari í lok mánaðarins.