Enn einn skandallinn á Ítalíu

Fimm ítalskir leikmenn hafa verið ákærðir fyrir aðild að hagræðingu úrslita í leikjum í ítölsku A-deildinni á síðasta tímabili.

Þeir leikir sem um ræðir eru 1-1 jafntefli Livorno og Atalanta 23. desember 2007 og svo 3-2 sigur Atlanta á Livorno 4. maí 2008.

Leikmennirnir sem um ræðir eru Davide Balleri, Gian Paolo Bellini, Emanuele og Antonio Filippini og Alessandro Grandoni.

Bellini, leikmaður Atalanta og Balleri, fyrrum fyrirliði Livorno, tóku þátt í því að reyna að breyta úrslitum leikjanna. Hinir þrír leikmennirnir eru allir hjá Atalanta og eru ákærðir fyrir að leyna vitneskju sinni af þessu.