Tímabilinu lokið hjá Gattuso

Allt bendir til þess að tímabilinu sé lokið hjá Gennaro Gattuso, miðjumanni AC Milan. Hann meiddist illa á hné í leik gegn Catania og talið er að hann verði frá keppni í sex mánuði.

Gattuso lék allan leikinn gegn Catania en var sendur í skoðun eftir að hafa kvartað undan miklum sársauka eftir leik. Hann hefur skaddað liðbönd í hné. Þessi þrítugi leikmaður fer í nánari skoðun á morgun.

AC Milan situr í þriðja sæti ítölsku deildarinnar, með lakari markatölu en Juventus sem er í öðru sæti. Inter hefur sex stiga forystu.