Þrjár sveitir fagna útgáfu

Þrjár hljómsveitir halda útgáfutónleika á næstunni til að fagna sínum nýjustu plötum. Fyrstu tónleikarnir verða á Glaumbar í kvöld þegar hljómsveitin Steini treður þar upp. Sveitin gaf fyrir skömmu út sína aðra plötu sem nefnist Human Comfort. Hefur hún að geyma níu glæný lög og þrjú eldri. Annað kvöld halda The Viking Giant Show og Singapore Sling sína útgáfutónleika. The Viking Giant Show, sem gaf út plötuna The Lost Garden of Hoolingans, verður á Hverfisbarnum á meðan Singapore Sling spilar á Grand Rokk. Sú sveit gaf nýverið út plötuna Perversity, Desperation and Death.