Það er svo gott að gefa af sér og faðmast, segir Brynjar Már

"Við erum mikið fyrir faðmlög. Það er svo gott að gefa af sér. Alls ekkert feimnismál. Það er bara hollt og gott að sýna smá kærleik," svarar Brynjar Már Valdimarsson tónlistarstjóri FM957 aðspurður um áberandi mörg innileg faðmlög milli karlmanna á Hlustendaverðlaunum FM957 sem fram fóru í Háskólabíó 3. maí síðastliðinn.

Hlustendaverðlaunin voru send út í beinni útsendingu á Stöð 2 og voru einmitt vinsælasti dagskrárliður stöðvarinnar í aldursflokknum 12-49 ára fyrstu vikuna í maí. 

Þetta kom fram í vikulegri könnun sem Capacent Gallup gerir. Hæðin kom rétt á eftir.

19% horfðu á Hlustendaverðlaunin þar sem Páll Óskar Hjálmtýsson fór á kostum og hlaut öll þau verðlaun sem hann var tilnefndur til.