Mancini færist nær Inter

Brasilíumaðurinn Amantino Mancini, leikmaður Roma, mun að öllum líkindum ganga til liðs við Ítalíumeistara Inter.

Samningar eru á lokastigi en kaupverðið er kringum 10 milljónir punda.

„Sem stendur er ég leikmaður Roma en ég hef fengið grænt ljós á að ganga til liðs við Inter.

Það er spennandi enda Inter metnaðarfullt félag sem hefur unnið marga titla síðustu ár," sagði Mancini.

Fréttir frá Ítalíu herma að Inter hafi hinsvegar gefist upp á að fá Ricardo Quaresma frá Porto þar sem verðmiðinn á honum sé of hár.