Milan skoðar að kaupa Beckham

Samkvæmt fréttum frá Ítalíu er lögmaður AC Milan að skoða möguleika á því að félagið kaupi David Beckham alfarið frá LA Galaxy. Beckham er hjá Milan á lánssamningi til 8. mars.

Beckham hefur staðið sig með mikilli prýði í búningi AC Milan og skoraði sitt fyrsta mark fyrir félagið í 4-1 sigri á Bologna í gær.

Sögusagnir eru í gangi um að Beckham sé að skoða möguleikann á því að kaupa sig út úr samningi við LA Galaxy og komast þannig á frjálsa sölu. Þá getur hann gengið til liðs við AC Milan þrátt fyrir að félagaskiptaglugginn sé lokaður.