Stelpurnar gerðu markalaust jafntefli í fyrsta leik

Kvennalandsliðið U19 gerði í dag markalaust jafntefli við Noreg í fyrsta leik sínum í úrslitakeppni EM í Hvíta Rússlandi. Fanndís Friðriksdóttir lék með íslenska liðinu og náði að skapa usla í vörn Noregs.

Norska liðið komst næst því að skora í fyrri hálfleiknum þegar það átti hörkuskot í þverslánna. Norska liðinu tókst hinsvegar ekki að koma knettinum framhjá Birnu Berg Haraldsdóttur sem átti góðan leik í marki Íslands.

Næsti leikur íslenska liðsins er gegn Svíþjóð á fimmtudag en sænska liðið tapaði 3-0 fyrir Englandi í dag.

Byrjunarlið Íslands í dag:

Birna Berg Haraldsdóttir, markvörður

Berglind Bjarnadóttir

Thelma Björk Einarsdóttir

Mist Edvardsdóttir

Silvía Rán Sigurðardóttir

Arna Sif Ásgrímsdóttir

Elínborg Ingvarsdóttir

Anna Þórunn Guðmundsdóttir

Dagný Brynjarsdóttir

Berglind Björg Þorvaldsdóttir

Fanndís Friðriksdóttir, fyrirliði