Kaup Juventus á Diego gengin í gegn

Ítalska knattspyrnufélagið Juventus hefur nú formlega gengið frá kaupum á brasilíska miðjumanninum Diego frá Werder Bremen í Þýskalandi fyrir 4,3 milljarða króna.

Diego er 24 ára gamall landsliðsmaður og gekki í raðir Bremen frá Porto árið 2006. Hann átti tvö ár eftir af samningi sínum við þýska félagið en langaði að breyta til.

Hann hefur nú skrifað undir fimm ára samning við Juventus og sagði við tilefnið að sig hefði dreymt um að spila fyrir Juventus síðan hann var barn.

Hjá Juventus fær Diego m.a. það verkefni að fylla skarðið sem Pavel Nedved skilur eftir sig, en hann mun líklega hætta að spila í sumar.