Agger í ítalska boltann?

Framtíð danska varnarmannsins Daniel Agger hjá Liverpool er í óvissu. Lið á Ítalíu fylgjast grannt með gangi mála en Inter og Juventus hafa bæði áhuga á Agger og einnig hefur heyrst af áhuga AC Milan.

Agger hefur aðeins leikið 10 leiki fyrir Liverpool á leiktíðinni og er víst ekki sáttur við hve fá tækifæri hann hefur verið að fá á Anfield. Núgildandi samningur hans rennur út á næsta ári.

Agger ætti ekki að eiga í erfiðleikum með að finna sér nýja vinnuveitendur. Spænska stórliðið Real Madrid er víst einnig með nafn hans á sínum óskalista.