Pato bjargaði AC Milan fyrir horn

Ítalska Serie A-deildin hófst í kvöld með tveimur leikjum þar sem AC Milan vann Siena og Bologna og Fiorentina skildu jöfn.

Brasilíska undrabarnið Alexandre Pato stal senunni í 1-2 sigri AC Milan gegn Siena en flestra augu voru á landa hans Ronaldinho sem forráðamenn Mílanóborgarfélagsins hafa dásamað á síðustu vikum.

Pato skoraði fyrsta mark leiksins á 29. mínútu en Abdelkader Ghezzal jafnaði leikinn á 34. mínútu og þar við sat þegar flautað var til hálfleiks.

Pato var hins vegar ekki hættur og kom AC Milan yfir að nýju í upphafi síðari hálfleiks og það reyndist vera sigurmark leiksins.

Úrslit kvöldsins:



Siena-AC Milan 1-2

0-1 Alexandre Pato (29.), 1-1 Abdelkader Ghezzal (34.), 1-2 Alexandre Pato (48.).

Bologna-Fiorentina 1-1

1-0 Pablo Osvaldo (24.), 1-1 Adrian Mutu (64.).