Sneijder hugsanlega á leið til Inter

Umboðsmaður hollenska landsliðsmannsins Wesley Sneijder hefur staðfest að Inter og Real Madrid séu búin að ná sáttum um 15,5 milljón punda kaupverð á leikmanninum og það sé nú í höndum hans sjálfs hvort af félagsskiptunum verði.

Sneijder hefur líkt og mörgum leikmönnum Real Madrid verið ósjálfrátt ýtt til hliðar með komu stórstjarnanna Kaka og Cristiano Ronaldo og því ekki ólíklegt að hann stökkvi á tækifærið að fara til Ítalíumeistaranna þar sem hann á meiri möguleika á að spila reglulega.

„Ég er búinn að fá símtal frá forráðamönnum Real Madrid um að búið sé að samþykkja kauptilboð Inter. Nú þarf Wesley bara að ákveða hvað hann vill gera. Ef hann vill fara þá munum við sjá hvort að Inter sé reiðubúið að mæta kröfum okkar," segir umboðsmaðurinn Soren Lerby í viðtali við De Telegraaf.