Ekki hugmynd um styrkina

Kjartan Gunnarsson, þáverandi varaformaður bankaráðs Landsbankans, segist ekki hafa hugmynd um hvaða stjórnmálamenn voru styrktir af bankanum árið 2006. Hann segist heldur ekki vita hversu margir frambjóðendur voru styrktir eða hve mikið var veitt í heildina.

Ekki náðist í Bjarna Ármansson, þáverandi forstjóra Glitnis, en heimildir í hans herbúðum fullyrða að Glitnir hafi alls ekki styrkt einstaka stjórnmálamenn árið 2006, einungis stjórnmálaflokkana sjálfa.

Ekki náðist í þáverandi forsvarsmenn Kaupþings. - kóþ