AC Milan vill fá Beckham aftur

Adriano Galliani, framkvæmdarstjóri AC Milan, segir að félagið vilji gjarnan fá David Beckham aftur til félagsins þegar að félagaskiptaglugginn opnar um næstu áramót.

Beckham kom á lánssamningi frá LA Galaxy í Bandaríkjunum um síðustu áramót og hefur átt góðu gengi að fagna. Upphaflega átti hann að fara aftur til Bandaríkjanna í byrjun mars en gengið var frá framlengingu lánssamningsins.

Talið er líklegt að Beckham hafi sjálfur þurft að greiða eitthvað úr eigin vasa til þess að hann kæmist til Ítalíu.

„Beckham hefur verið gríðarlega mikilvæg viðbót við okkar lið," sagði Galliani við enska fjölmiðla. „Við vonum að fá hann aftur í janúar en þar til að félagaskiptaglugginn opnar næsta vetur verður hann í Los Angeles."