Meðlimir hljómsveitarinnar Belle & Sebastian munu stjórna tónlistarhátíðinni All Tomorrow‘s Parties í desember næstkomandi. Hátíðin stendur frá 10.-12. desember í Minehead á sunnanverðu Englandi. Meðlimir Belle & Sebastian munu velja um 40 hljómsveitir sem koma fram á hátíðinni.
Árið 1999 stjórnuðu krakkarnir í Belle & Sebastian hátíðinni Bowlie Weekender sem síðar varð að All Tomorrows Parties. Endurkoma þeirra nú er til að fagna tíu ára velheppnaðri hátíð.
Belle & Sebastian spilaði á Íslandi árið 2006 og sveitin hefur löngum notið vinsælda hér á landi. Ný plata sveitarinnar er í vinnslu.
