Pólstjörnufanginn ófundinn

Lögreglan leitar enn að fanganum Guðbjarna Traustasyni sem hún lýsti eftir fyrr í dag. Hann skilaði sér ekki úr dagsleyfi frá fangelsinu að Litla Hrauni í gær.

Guðbjarni er 28 ára, um það bil 185 sentímetrar á hæð og um 70 kíló. Hann er ekki talinn hættulegur. Þeir sem geta gefið upplýsingar um ferðir hans eða dvalarstað eru beðnir um að hafa samband við lögregluna á Selfossi í síma 480-1010.

Guðbjarni var einn þeirra sem var dæmdur í fangelsi fyrir smygl á 100 kílóum af fíkniefnum í Pólstjörnumálinu á haustmánuðum árið 2007.