Ávallt gleður glámurinn Haukur Viðar Alfreðsson skrifar 13. nóvember 2010 06:00 You Will Meet a Tall Dark Stranger eftir Woody Allen. Bíó *** You Will Meet a Tall Dark Stranger Leikstjóri: Woody Allen. Aðalhlutverk: Gemma Jones, Anthony Hopkins, Naomi Watts, Josh Brolin, Freida Pinto, Antonio Banderas. Woody Allen gerir kvikmynd á hverju ári. Það hefur ekki klikkað síðan árið 1981. Þá var ég ársgamall. Þetta er ótrúleg „framleiðni" en óhjákvæmilega er árangurinn ekki alltaf fullkominn þegar menn vinna svona hratt. Og nú er nýjasta afurð gleraugnaglámsins umdeilda komin í kvikmyndahús. Hin nýfráskilda Helena er fastakúnni spákonu sem segir henni ávallt það sem hún vill heyra. Fyrrverandi eiginmaðurinn er svo þjakaður af fiðringnum gráa að hann trúlofast ungri vændiskonu. Dóttirin lætur sig dreyma um ástarævintýri með yfirmanninum. Atvinnulausi tengdasonurinn bíður eftir listrænni andagift til þess að geta klárað skáldsögu en þokkafulla nágrannakonan á hug hans allan. Þetta er nokkuð hefðbundin söguflétta að hætti Woody Allen. Margar persónur, mörg vandamál og existentialískri spurningu varpað fram í lokin. Hvaðan komum við? Hvert förum við? Er fáfræði blessun? Já, eða bara það sem honum er hugleikið hverju sinni. Woody Allen trúir ekki á hið yfirnáttúrulega, sama hvaða nafni það kallast. Það verður augljósara með hverri myndinni sem hann gerir. Stundum er boðskapurinn einlægur og fyndinn, en stundum ber hann yfirbragð þvingunar og pirrings. Í þetta skiptið tókst vel til. You Will Meet a Tall Dark Stranger er fyndin og heiðarleg. Ekki frábær, en betri en síðasta. Ég bíð spenntur eftir næstu. Niðurstaða: Súpa dagsins, að hætti hússins. Bætir, hressir og kætir. Mest lesið Heitustu trendin í haust Lífið Rokkar pils sem bol og snýr flíkum öfugt Tíska og hönnun Óvíst hvort Ísland verði með í Eurovision Lífið „Ég elskaði þig í fyrra lífi, ég elska þig í þessu lífi og mun finna þig í næsta“ Lífið Troðfull Þorlákskirkja minntist Karls Sighvatssonar Tónlist Skringilega stór kaffibolli: „Ég verð aldrei aftur hreinn“ Lífið Próteinríkt avókadó-salat að hætti Önnu Eiríks Matur Innblásturinn að gamanhrollvekju kom frá vídeoleigu bæjarins Bíó og sjónvarp Pabbi fyrir tvítugt, ekkill þrítugur, afi um fertugt og veltir rúmum milljarði Áskorun Tjáði sig um ástarsambandið sem splundraði tveimur hjónaböndum Bíó og sjónvarp Fleiri fréttir Balta bregst bogalistin Þú heyrðir rétt: klassík getur verið skemmtileg Smashing Pumpkins pumpuðu upp stemningu – en listin varð undir hávaðanum Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Sjá meira
Bíó *** You Will Meet a Tall Dark Stranger Leikstjóri: Woody Allen. Aðalhlutverk: Gemma Jones, Anthony Hopkins, Naomi Watts, Josh Brolin, Freida Pinto, Antonio Banderas. Woody Allen gerir kvikmynd á hverju ári. Það hefur ekki klikkað síðan árið 1981. Þá var ég ársgamall. Þetta er ótrúleg „framleiðni" en óhjákvæmilega er árangurinn ekki alltaf fullkominn þegar menn vinna svona hratt. Og nú er nýjasta afurð gleraugnaglámsins umdeilda komin í kvikmyndahús. Hin nýfráskilda Helena er fastakúnni spákonu sem segir henni ávallt það sem hún vill heyra. Fyrrverandi eiginmaðurinn er svo þjakaður af fiðringnum gráa að hann trúlofast ungri vændiskonu. Dóttirin lætur sig dreyma um ástarævintýri með yfirmanninum. Atvinnulausi tengdasonurinn bíður eftir listrænni andagift til þess að geta klárað skáldsögu en þokkafulla nágrannakonan á hug hans allan. Þetta er nokkuð hefðbundin söguflétta að hætti Woody Allen. Margar persónur, mörg vandamál og existentialískri spurningu varpað fram í lokin. Hvaðan komum við? Hvert förum við? Er fáfræði blessun? Já, eða bara það sem honum er hugleikið hverju sinni. Woody Allen trúir ekki á hið yfirnáttúrulega, sama hvaða nafni það kallast. Það verður augljósara með hverri myndinni sem hann gerir. Stundum er boðskapurinn einlægur og fyndinn, en stundum ber hann yfirbragð þvingunar og pirrings. Í þetta skiptið tókst vel til. You Will Meet a Tall Dark Stranger er fyndin og heiðarleg. Ekki frábær, en betri en síðasta. Ég bíð spenntur eftir næstu. Niðurstaða: Súpa dagsins, að hætti hússins. Bætir, hressir og kætir.
Mest lesið Heitustu trendin í haust Lífið Rokkar pils sem bol og snýr flíkum öfugt Tíska og hönnun Óvíst hvort Ísland verði með í Eurovision Lífið „Ég elskaði þig í fyrra lífi, ég elska þig í þessu lífi og mun finna þig í næsta“ Lífið Troðfull Þorlákskirkja minntist Karls Sighvatssonar Tónlist Skringilega stór kaffibolli: „Ég verð aldrei aftur hreinn“ Lífið Próteinríkt avókadó-salat að hætti Önnu Eiríks Matur Innblásturinn að gamanhrollvekju kom frá vídeoleigu bæjarins Bíó og sjónvarp Pabbi fyrir tvítugt, ekkill þrítugur, afi um fertugt og veltir rúmum milljarði Áskorun Tjáði sig um ástarsambandið sem splundraði tveimur hjónaböndum Bíó og sjónvarp Fleiri fréttir Balta bregst bogalistin Þú heyrðir rétt: klassík getur verið skemmtileg Smashing Pumpkins pumpuðu upp stemningu – en listin varð undir hávaðanum Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Sjá meira