Keflavík lagði KR

Keflavík vann góðan sigur á KR í Iceland Express-deild karla en Grindavík er enn ósigrað á toppi deildarinnar. Þá vann Stjarnan góðan útisigur á KFÍ á Ísafirði, 85-78.

Keflvíkingar náðu fimmtán stiga forystu í fyrri hálfleik og héldu undirtökunum í leiknum allt til loka. Nýi Serbinn í liði Keflavíkur, Lazar Trifunovic, fór mikinn í leiknum og skoraði 26 stig, tók tíu fráköst og gaf fimm stoðsendingar.

Valentino Maxwell spilaði með Keflavík á ný eftir meiðsli og skoraði 21 stig og tók sex fráköst. Hörður Axel Vilhjálmsson var með átján stig.

Þetta var kærkominn sigur fyrir Keflavík sem hafði aðeins unnið einn af fyrstu fjórum leikjum sínum í deildinni. Nánar verður fjallað um leikinn á Vísi í kvöld.

Grindavík er á toppi deildarinnar með fullt hús stiga eftir fimm leiki. Í kvöld vann liðið ÍR örugglega, 115-94.

Grindvíkingar leiddu strax frá fyrstu mínútu en ÍR-ingar héldu í við þá þar til snemma í síðari hálfleik. Þá gáfu heimamenn í og kláruðu leikinn örugglega.

Ryan Pettinella skoraði 28 stig fyrir Grindavík og Andre Smith 22. Hjá ÍR var Vilhjálmur Steinarsson stigahæstur með 23 stig og Kelly Biedler kom næstur með nítján.

Stjörnumenn byggðu forystu sína í kvöld á góðum fyrsta leikhluta sem liðið vann með 24 stigum gegn sautján. Jafnræði var með liðunum eftir það en Stjörnumenn unnu að lokum sjö stiga sigur.

Justin Shouse skoraði 23 stig fyrir Stjörnuna og Marvin Valdimarsson nítján. Jovan Zdravevski var með átján stig. Hjá KFÍ var Christopher Schoen stigahæstur með sautján stig.

Keflavík-KR 95-91 (29-18, 24-27, 23-24, 19-22)



Stig Keflavíkur: Lazar Trifunovic 26 (10 fráköst, 5 stoðsendingar), Valention Maxwell 21 (6 fráköst), Hörður Axel Vilhjálmsson 18 (5 stoðsendingar), Sigurður Gunnar Þorsteinsson 10 (6 fráköst), Gunnar Einarsson 8, Þröstur Leó Jóhannsson 6 (4 fráköst), Jón Nordal Hafsteinsson 6.

Stig KR: Marcus  Walker 28 (5 fráköst), Brynjar Þór Björnsson 13 (9 fráköst), Fannar Ólafsson 13 (7 fráköst), Hreggviður Magnússon 13 (5 fráköst), Finnur Atli Magnússon 10 (6 fráköst), Pavel Ermolinskij 9 (4 fráköst), Ólafur Már Ægisson 3, Skarphéðinn Freyr Ingason 2.

KFÍ-Stjarnan 78-85 (17-24, 18-16, 15-17, 28-28)

Stig KFÍ: Craig Schoen 17 (4 fráköst), Nebojsa Knezevic  15 (6 fráköst), Darco Milosevic 14 (4 fráköst), Carl Josey 10, Ari Gylfason 8, Pance Ilievski 6, Hugh Barnett 6 (6 fráköst), Daði Berg Grétarsson 2.

Stig Stjörnunnar: Justin Shouse 23 (7 fráköst), Marvin Valdimarsson 19 (6 fráköst), Jovan Zdravevski 18 (6 fráköst), Kjartan Atli Kjartansson 9, Fannar Freyr Helgason 8 (5 fráköst), Ólafur Aron Ingvason 4, Daníel G. Guðmundsson 2, Guðjón Lárusson 2 (4 fráköst).

Grindavík-ÍR 115-94 (30-21, 28-31, 32-16, 25-26)

Stig Grindavíkur: Ryan Pettinella 28 (8 fráköst, 3 varin skot), Andre Smith 22 (11 stoðsendingar), Guðlaugur Eyjólfsson 13 (4 fráköst), Páll Axel Vilbergsson 12 (6 fráköst), Björn Steinar Brynjólfsson 12, Þorleifur Ólafsson 10, Ómar Örn Sævarsson 8 (7 fráköst), Ólafur Ólafsson 6, Helgi Björn Einarsson 2, Ármann  Vilbergsson 2.

Stig ÍR: Vilhjálmur Steinarsson 23, Kelly  Biedler 19 (12 fráköst), Nemanja Sovic 17, Ásgeir Örn Hlöðversson 10, Kristinn Jónasson 9 (4 fráköst), Hjalti Friðriksson 7, Níels Dungal 4 (6 stoðsendingar), Eiríkur Önundarson 3, Karolis Marcinkevicius 2.