Pato ekki til í að yfirgefa Milan fyrir Chelsea

Pato er ekki til í að yfirgefa herbúðir ítalska stórliðsins AC Milan fyrir Chelsea. Enska félagið vill samkvæmt fréttum krækja í þennan tvítuga leikmann í sumar.

Carlo Ancelotti þekkir Pato vel en hann keypti leikmanninn til AC Milan frá brasilíska liðinu Internacional árið 2007.

Pato hefur skorað 36 mörk í 74 leikjum fyrir Milan og er samningsbundinn liðinu til 2014.

Gilmar Veloz, talsmaður Pato, segir að leikmaðurinn vilji vera áfram í Mílanó.

„Það eru ýmsar sögur á sveimi en það er ekkert satt í þeim. Pato er samningsbundinn Milan og líður vel hjá félaginu," sagði Veloz.