Góð veiði í Breiðdalsá og Jökla að fara í gang

Veiðin bara eykst í Breiðdalsá og í gær komu 25 laxar á land og mikið af laxi að ganga, megnið stórlax en þó eitthvað af vænum smálaxi með. Áin fer að detta í 200 laxa í dag eða á morgun sem er frábær veiði frá 1. júlí er opnunin var.

Á sama tíma í fyrra voru komnir 80 laxar en áin endaði þá í tæplega 1.200 löxum, svo miðað við það gæti stefnt í 2000 laxa í ár, en það væri auðvitað frábær árangur.

Mikið bókað en ennþá eru 1-2 stangir lausar 20. - 23. júlí eða 23. - 26. júlí en þær fara væntanlega fljótlega miðað við áhugann. Næst er laust 28. - 31. ágúst og einnig hollið 31. ágúst – 3. september 3-4 stangir.

Jökla gaf 7 bara í morgun á sex stangir, þar af tvær stórar 89 og 87 cm hrygnur og veiðin komin strax í 30 laxa, eða meira en helmingi meira en sama tíma 2010 sem gaf þó 350 laxa sumarið, svo stefnir í gott ár þar líka.

Birt með góðfúslegu leyfi Strengja