Langá loksins að fá stóru göngurnar?

Um 250 laxar hafa veiðst í Langá það sem af er. Svo virðist sem að auknar göngur séu þessa stundina og veiðitölur hafa tekið kipp.

Morgunvaktin í morgun gaf 20 laxa og að sögn starfsmanna þá er greinilega mjög aukin fiskgengd í Langá þessa stundina. Mikið líf er á neðsta svæðinu og lax að ganga af krafti.

Lax hefur veiðst í Ármótafljóti svo og í Skriðufljóti á Fjallinu auk hefðbundinna staða líkt og Hellisbreiðu og Bjargstreng. Vatnsstaða er með allra besta móti og enn flæðir yfir klappirnar í vatnsmiðluninni við Langavatn. Að sögn veiðivarðar tryggir það góða vatnsstöðu langt fram eftir ágústmánuði.

Birt með góðfúslegu leyfi SVFR