Ellefu af þeim ungmennum sem féllu fyrir hendi fjöldamorðingjans Anders Behring Breivik í Útey höfðu boðið sig fram til komandi sveitarstjórnarkosninga í Noregi. Þetta kemur fram á vef norska ríkissjónvarpsins í dag. Þar staðfestir Liv Signe Navarsete ráðherra að ellefu af fórnarlömbunum í Útey séu á framboðslistum norska Verkamannaflokksins fyrir sveitarstjórnarkosningarnar. Hún segir jafnframt að samkvæmt kosningalögum í landinu megi ekki tilnefna nýja fulltrúa á listana. Listar með nöfnum hinna látnu muni við kosningarnar teljast með.
Ellefu fórnarlambanna í framboði fyrir Verkamannaflokkinn
![Heilbrigðisráðherra Noregs og björgunarsveitarmenn minntust fórnarlamba árásanna í Útey og Osló skammt frá Útey sl. mánudag.](https://www.visir.is/i/7F3F6E0B4C1B31991FAF6670EE33191C9A869B3B91DB2B9B08550AE73DCF084F_713x0.jpg)