Hart barist í geðveikri jólalagasamkeppni

Starfsmenn 15 „geðveikra“ fyrirtækja, hafa tekið áskorun um að velja eða semja jólalag og framleiða myndband því til stuðnings. Jólalögin verða þeirra framlag inn í jólalagakeppnina Geðveik Jól 2011 sem hefst í kvöld,  7. Desember, með frumsýningu á lögunum í opinni dagskrá Skjás Eins kl. 19:30

Kosning stendur yfir til 20. Desember. Á meðan gefst landsmönnum kostur á að kjósa uppáhalds jólalagið sitt, sem að þeirra mati skarar framúr og á skilið titilinn "GEÐVEIKASTA JÓLALAGIÐ 2011"

Eitt atkvæði kostar 1000 kr. og rennur allur ágóði í uppbyggingastarf GEÐHJÁLPAR.

Hægt verður að kjósa inná www.gedveikjol.is, svo er hægt að fylgjast með fréttum inn á https://www.facebook.com/GEDVEIKJOL.

Þátttakendur eru:

ACTAVIS – LANDSBANKINN – LANDSNET – ORKUVEITAN - LANDSVIRKJUN - PÓSTURINN – EIMSKIP – HUSASMIÐJAN – ALCOA – OLIS – SJÓVÁ - KPMG - HÁSKÓLINN Í REYKJAVÍK – BORGUN og ODDI.