Hátíðarbrauð frá Ekvador

Einn pk. þurrger, 1/4 bolli sykur, 1/3 bolli volgt vatn, 6 eggjarauður, 1 tsk. vanilludropar, 1/2 tsk. raspaður sítrónubörkur, 1/2 tsk. salt, 2 til 3 bollar hveiti, 8 msk. mjúkt smjör, 1/3 bolli súkkat, 1/4 bolli dökkar rúsínur, 1/4 bolli ljósar rúsínur, 1 bolli hakkaðar pekanthnetur eða valhnetur, 2 msk. bráðið smjör.

Leysið gerið upp í volgu vatninu, ásamt 1 tsk. af sykri. Setjið í skál og blandið eggjarauðum, vanilludropum, sítrónuberki, salti og restinni af sykrinum saman við. Hrærið með sleif. Sáldrið helmingnum af hveitinu saman við og mjúku smjörinu. Setjið afganginn af hveitinu saman við og hnoðið. Hefist í 30 til 45 mín.

Hitið ofninn í 200°c. Hnoðið súkkat, rúsínur og hnetur varlega saman við deigið. Látið hefast í háu smurðu formi í 15 til 20 mín. Penslið með smjöri og bakið í 10 mín. Lækkið hitann í 175°c og penslið aftur. Bakið í 30 til 40 mínútur í viðbót eða þar til brauðið er gullinbrúnt.