Guðmundur kvartaði yfir dómurunum

Eins og fólk tók eftir var Guðmundur Guðmundsson landsliðsþjálfari afar ósáttur við dómgæslu serbnesku dómaranna í leiknum gegn Þjóðverjum en þeir áttu afleitan dag.

Guðmundur átti fund í dag með yfirmanni dómaramála þar sem hann kom kvörtunum sínum á framfæri.

"Ég mun kvarta á mjög málefnalegan hátt og í ró. Við erum búnir að klippa saman tíu eða tólf atriði. Þar verður farið yfir málin og spurt hvers vegna við séum að upplifa hluti eins og við sáum í þessum leik.

"Við viljum láta í okkur heyra. Það er ekki hægt að láta þetta fara fram hjá sér án þess að gera ekki neitt. Hvort það skiptir einhverju verður að koma í ljós," sagði Guðmundur.