Guðmundur Eggert Stephensen og félagar í liði Zoetermeer eru komnir með forystu í einvígi sínu gegn TTV Scyedam frá Amsterdam í undanúrslitum um hollenska meistaratitilinn í borðtennis.
Guðmundur vann báða einliðaleiki sína í þremur lotum. Þá vann hann sigur í tvíliðaleiknum í þremur lotum en tvíliðafélagi hans var Boiris De Vries.
Liðin mætast öðru sinni um næstu helgi á heimavelli Zoetermeer.
