Auðvitað ætlum við að rúlla næstu dögum upp

Íslenski hópurinn stígur á svið í Kristalshöllinni í Bakú í kvöld og flytur lagið Never Forget í undankeppni fyrir aðalkeppnina næsta laugardag. Lífið heyrði í Ölmu Rut bakraddarsöngkonu sem er bjartsýn á framhaldið.

„Við bakraddirnar höfum það rosa gott. Dagarnir fara aðallega í æfingar, hlátur og skoðunarferðir. Við fórum til dæmis í skoðunarferð aðeins út fyrir borgina sem var merkileg og skemmtileg. Dómnefndirnar gilda 50% þannig að kvöldið í gærkvöldi var jafn mikilvægt og semi-finalinn sem er í kvöld."

„Við fjögur í röddunum höldum svolítið hópinn, förum saman í göngutúra, fáum okkur að borða saman og hlæjum mikið. Okkur líður vel og auðvitað ætlum við að rúlla næstu dögum upp. Jæja, nú verð ég að fara að hoppa út í rútu," segir Alma Rut áður en hún kveður og rýkur af stað.

Meðfylgjandi má sjá myndir sem teknar voru í Bakú undanfarna daga.