Umfjöllun og viðtöl: Þór - Valur 1-4 | Ekkert bikarævintýri hjá Þór í ár Björn Ívar Björnsson skrifar 8. júní 2012 15:38 Mynd/Vilhelm Valsmenn tryggðu sér sæti í sextán liða úrslitum Borgunarbikars karla í fótbolta eftir 4-1 útisigur á b-deildarliði Þórs á Akureyri í kvöld. Þórsarar fóru alla leið í úrslitaleikinn í fyrra en það verður ekkert bikarævintýri hjá Þórsliðinu í ár. Valsmenn skoruðu fjögur mörk í öðrum leiknum í röð en þeir unnu 4-0 heimasigur á Keflavík í síðasta leik sínum í Pepsi-deildinni. Kristján Guðmundsson, þjálfari Vals, er greinilega búinn að finna sóknarlínu sína því Kristinn Freyr Sigurðsson, Hörður Sveinsson og Kolbeinn Kárason skoruðu allir í þessum leik. Kristinn Freyr Sigurðsson kom Val í 1-0 á 24. mínútu þvert gegn gangi leiksins en Þórsarar höfðu verið þónokkuð meira með boltann. Mikil barátta var í leiknum og mikið um brot en lítið um opin færi. Í lok fyrri hálfleiks vildu Þórsarar þó fá vítaspyrnu þegar virtist brotið á Sveini Elíasi Jónssyni, fyrirliða Þórs, en Þorvaldur Árnason dæmdi markspyrnu við litla hrifningu Þórsara. Í upphafi síðari hálfleiks jafnaði Jóhann Helgi Hannesson svo metin fyrir Þór en laust skot hans fór undir Ásgeir Þór Magnússon í marki Vals sem hefði átt að gera betur. Rúnar Már Sigurjónsson kom Val aftur yfir fjórum mínútum síðar með glæsilegu marki beint úr aukaspyrnu. Aukaspyrnan var þó nokkuð umdeild og áhorfendur á bandi Þórs voru æfir í stúkunni. Þorvaldur virtist þó hafa haft rétt fyrir sér. Þórsarar pressuðu nokkuð stíft á gestina en allt kom fyrir ekki. Orri Freyr Hjaltalín átti bylmingsskot í þverslána eftir mistök hjá Matarr Jobe í vörn Vals en inn vildi boltinn ekki. Á 73. mínútu tók svo Kolbeinn Kárason til sinna mála og tók skot af 35 metra færi þegar ekkert virtist vera í spilunum. Skotið söng í markvinklinum og Valsmenn komnir í vænlega stöðu. Fjórum mínútum síðar innsiglaði Hörður Sveinsson svo sigurinn eftir sendingu frá Rúnari Má sem var maður leiksins. Eftir það gerðist lítið og leikurinn fjaraði út fyrir utan dauðafæri hjá Robin Strömberg þegar hann komst einn í gegn en lét Ásgeir verja frá sér í markinu. 4-1 sigur Vals staðreynd og Reykjavíkurliðið komið áfram í 16-liða úrslit. Sveinn Elías: Við vorum óheppnirSveinn Elías Jónsson fyrirliði Þórs var svekktur í leikslok. „Það sem fór úrskeiðis var að þeir skoruðu fleiri mörk en við gerðum. Við gerðum eigilega allt sem við ætluðum að gera en vorum óheppnir og Valsararnir hafa einhvern veginn pínu tak á ykkur." „Við áttum sláarskot í stöðunni 2-1 og það hefði alveg getað dottið inn með okkur en það gerði það ekki og þá datt botninn úr þessu og þriðja markið þeirra kláraði leikinn algjörlega." Aðspurður um atvikið þar sem Ásgeir virtist taka hann niður í teignum sagði Sveinn: „Ekkert mikil snerting en hann fer samt í lappirnar á mér, ég er á undan honum í boltann og þetta er bara víti en ekki fannst Þorvaldi það, en svona er þetta." En það er stutt í næsta leik hjá Þór sem er á mánudaginn gegn BÍ/Bolungarvík. „Jú við verðum bara að einbeita okkur að deildinni fyrst að þetta er búið en vissulega þá er ég mjög svekktur og við ætluðum okkur klárlega miklu lengra í þessari keppni." Haukur Páll: Kannski ekkert fallegasti fótboltinn en þetta var nógHaukur Páll Sigurðsson leikmaður Vals var að vonum ánægður í leikslok. „Þetta var barátta út í gegn í leikinn , við vitum að Þórsarar eru mjög sterkir á heimavelli og tapa fáum leikjum hérna. Við þurftum að koma dýrvitlausir í þennan leik til að bera sigur úr býtum þannig að það var baráttan og viljinn sem skóp sigurinn, kannski ekkert fallegasti fótboltinn en þetta var nóg," sagði Haukur. Aðspurður um markið fallega frá Kolbeini Kárasyni sagði Haukur Páll: „Jájá, hann á þetta til og hann sagði um daginn í viðtali að maður skorar ekki nema að skjóta og þetta var geggjað mark," sagði Haukur en hann fór meiddur útaf snemma í fyrri hálfleik. „Ég var búinn að vera slappur aðeins í vikunni og fannst ég ekki geta beitt mér 100% vegna veikindanna og fannst rétt að fá ferskan mann inn svo hann gæti hjálpað liðinu meira en ég." En er einhver óska mótherji í 16-liða úrslitunum? „Nei alls ekki, þetta er bara happa glappa og bara að fá heimaleik væri skemmtilegt." Kristján Guðmundsson: Alvöru stríðsbikarleikur „Tilfinningin er hrikalega góð því þetta varvirkilega erfiður leikur, alvöru stríðsbíkarleikur og mikil átök og feikilega gaman að koma og spila þennan leik," sagði Kristján Guðmundsson, þjálfari Vals. „Það lá dálítið á okkur í byrjun og fyrsta markið skipti sköpum. Við bjuggum það til úr engu og það hjálpaði okkur að komast betur inn í leikinn." Um glæsimark Kolbeins sagði Kristján: „Já þetta var stórkostlegt mark og aukaspyrnumarkið hjá Rúnari einnig mjög gott," sagði Kristján. Valur mætir næst Stjörnunni í Pepsídeildinni þann 15. júní. „Menn verða klárir í þann leik, nú njótum við þess að vera komnir áfram í bikarnum og undirbúum okkur fyrir Stjörnuna en það er annar útileikur og annar baráttuleikur." Íslenski boltinn Mest lesið Hafa ekki heyrt frá Hearts: „Kom mér jafn mikið á óvart og þér“ Íslenski boltinn Þarf vernd lögreglu vegna reiði Rómverja Fótbolti Nasistaborði í Magdeburg til rannsóknar Fótbolti Uppgjörið, viðtöl og myndir: Breiðablik - ÍA 2-0 | Afbragðsafgreiðsla Ísaks innsiglaði sigurinn Íslenski boltinn Sólveig keppti ólétt og á leið í þungunarrof Sport Uppgjörið: Valur - Stjarnan 2-2 | Gylfi Þór jafnaði með stórkostlegu marki Íslenski boltinn „Algjör synd að við fengum ekkert út úr þessum leik“ Íslenski boltinn Háspenna er FH vann Hafnarfjarðarslaginn Handbolti Arnar sagður líklegur til að taka við í Skotlandi Íslenski boltinn Marlena er sigurvegari Bakgarðshlaupsins Sport Fleiri fréttir Uppgjörið, viðtöl og myndir: Breiðablik - ÍA 2-0 | Afbragðsafgreiðsla Ísaks innsiglaði sigurinn „Algjör synd að við fengum ekkert út úr þessum leik“ Uppgjörið: Valur - Stjarnan 2-2 | Gylfi Þór jafnaði með stórkostlegu marki Hafa ekki heyrt frá Hearts: „Kom mér jafn mikið á óvart og þér“ Sjáðu ótrúlega sjö mínútna þrennu Smith og tvennu Nadíu Arnar sagður líklegur til að taka við í Skotlandi „Við Mosfellingar erum öðruvísi, við erum sérstakir“ Fyrirliðinn framlengir og tekur slaginn í Bestu deildinni Uppgjörið: Fjölnir - Afturelding 0-0 | Afturelding fer aftur á Laugardalsvöll Sér eftir að hafa valið Val fram yfir KR Uppgjörið og viðtöl: Fram - Fylkir 2-0 | Langþráður sigur Fram setur níu tær í efstu deild að ári Uppgjörið: KR - Vestri 2-2 | Guy Smit bjargaði stigi fyrir KR Uppgjörið: Keflavík - ÍR 2-3 | Keflvíkingar í úrslitaleikinn Leik lokið: Breiðablik - Þór/KA 6-1 | Blikar skoruðu sex og eru áfram á toppnum Tveir varnarmenn KR meiddust á æfingu á Starhaga „Við fórum beint úr því að vera ömurlegir í frábærir“ „Það hlaut að koma að því“ Uppgjörið: KA bikarmeistari í fyrsta sinn Selfoss og KFA mætast í úrslitum „Er ekki bara kominn tími til að breyta þessu?“ „Okkar að stöðva drauma þeirra í fæðingu“ UEFA sé að missa þolinmæðina gagnvart Íslandi Iðrast gjörða sinna: „Var klárlega rangt af mér“ Uppgjörið og viðtöl: Víkingur - Þróttur 1-1 | Eitt stig á hvort lið í fremur rólegum leik „Ætlum að taka bikarinn norður, það er bara staðan“ „Held að þetta verði mjög erfiður leikur“ Seinna spjaldið var ekki viljandi: „Er bara pirraður og missi hausinn“ Uppgjörið: Afturelding - Fjölnir 3-1 | Brenndu víti en tóku tveggja marka forystu Húbba Búbba kippt af dagskrá: „Það eina sem ég spila í Víkinni er fótbolti“ Eftirsjá Gary Martin: „Mín skoðun, fólk mun ekki vera sammála henni“ Sjá meira
Valsmenn tryggðu sér sæti í sextán liða úrslitum Borgunarbikars karla í fótbolta eftir 4-1 útisigur á b-deildarliði Þórs á Akureyri í kvöld. Þórsarar fóru alla leið í úrslitaleikinn í fyrra en það verður ekkert bikarævintýri hjá Þórsliðinu í ár. Valsmenn skoruðu fjögur mörk í öðrum leiknum í röð en þeir unnu 4-0 heimasigur á Keflavík í síðasta leik sínum í Pepsi-deildinni. Kristján Guðmundsson, þjálfari Vals, er greinilega búinn að finna sóknarlínu sína því Kristinn Freyr Sigurðsson, Hörður Sveinsson og Kolbeinn Kárason skoruðu allir í þessum leik. Kristinn Freyr Sigurðsson kom Val í 1-0 á 24. mínútu þvert gegn gangi leiksins en Þórsarar höfðu verið þónokkuð meira með boltann. Mikil barátta var í leiknum og mikið um brot en lítið um opin færi. Í lok fyrri hálfleiks vildu Þórsarar þó fá vítaspyrnu þegar virtist brotið á Sveini Elíasi Jónssyni, fyrirliða Þórs, en Þorvaldur Árnason dæmdi markspyrnu við litla hrifningu Þórsara. Í upphafi síðari hálfleiks jafnaði Jóhann Helgi Hannesson svo metin fyrir Þór en laust skot hans fór undir Ásgeir Þór Magnússon í marki Vals sem hefði átt að gera betur. Rúnar Már Sigurjónsson kom Val aftur yfir fjórum mínútum síðar með glæsilegu marki beint úr aukaspyrnu. Aukaspyrnan var þó nokkuð umdeild og áhorfendur á bandi Þórs voru æfir í stúkunni. Þorvaldur virtist þó hafa haft rétt fyrir sér. Þórsarar pressuðu nokkuð stíft á gestina en allt kom fyrir ekki. Orri Freyr Hjaltalín átti bylmingsskot í þverslána eftir mistök hjá Matarr Jobe í vörn Vals en inn vildi boltinn ekki. Á 73. mínútu tók svo Kolbeinn Kárason til sinna mála og tók skot af 35 metra færi þegar ekkert virtist vera í spilunum. Skotið söng í markvinklinum og Valsmenn komnir í vænlega stöðu. Fjórum mínútum síðar innsiglaði Hörður Sveinsson svo sigurinn eftir sendingu frá Rúnari Má sem var maður leiksins. Eftir það gerðist lítið og leikurinn fjaraði út fyrir utan dauðafæri hjá Robin Strömberg þegar hann komst einn í gegn en lét Ásgeir verja frá sér í markinu. 4-1 sigur Vals staðreynd og Reykjavíkurliðið komið áfram í 16-liða úrslit. Sveinn Elías: Við vorum óheppnirSveinn Elías Jónsson fyrirliði Þórs var svekktur í leikslok. „Það sem fór úrskeiðis var að þeir skoruðu fleiri mörk en við gerðum. Við gerðum eigilega allt sem við ætluðum að gera en vorum óheppnir og Valsararnir hafa einhvern veginn pínu tak á ykkur." „Við áttum sláarskot í stöðunni 2-1 og það hefði alveg getað dottið inn með okkur en það gerði það ekki og þá datt botninn úr þessu og þriðja markið þeirra kláraði leikinn algjörlega." Aðspurður um atvikið þar sem Ásgeir virtist taka hann niður í teignum sagði Sveinn: „Ekkert mikil snerting en hann fer samt í lappirnar á mér, ég er á undan honum í boltann og þetta er bara víti en ekki fannst Þorvaldi það, en svona er þetta." En það er stutt í næsta leik hjá Þór sem er á mánudaginn gegn BÍ/Bolungarvík. „Jú við verðum bara að einbeita okkur að deildinni fyrst að þetta er búið en vissulega þá er ég mjög svekktur og við ætluðum okkur klárlega miklu lengra í þessari keppni." Haukur Páll: Kannski ekkert fallegasti fótboltinn en þetta var nógHaukur Páll Sigurðsson leikmaður Vals var að vonum ánægður í leikslok. „Þetta var barátta út í gegn í leikinn , við vitum að Þórsarar eru mjög sterkir á heimavelli og tapa fáum leikjum hérna. Við þurftum að koma dýrvitlausir í þennan leik til að bera sigur úr býtum þannig að það var baráttan og viljinn sem skóp sigurinn, kannski ekkert fallegasti fótboltinn en þetta var nóg," sagði Haukur. Aðspurður um markið fallega frá Kolbeini Kárasyni sagði Haukur Páll: „Jájá, hann á þetta til og hann sagði um daginn í viðtali að maður skorar ekki nema að skjóta og þetta var geggjað mark," sagði Haukur en hann fór meiddur útaf snemma í fyrri hálfleik. „Ég var búinn að vera slappur aðeins í vikunni og fannst ég ekki geta beitt mér 100% vegna veikindanna og fannst rétt að fá ferskan mann inn svo hann gæti hjálpað liðinu meira en ég." En er einhver óska mótherji í 16-liða úrslitunum? „Nei alls ekki, þetta er bara happa glappa og bara að fá heimaleik væri skemmtilegt." Kristján Guðmundsson: Alvöru stríðsbikarleikur „Tilfinningin er hrikalega góð því þetta varvirkilega erfiður leikur, alvöru stríðsbíkarleikur og mikil átök og feikilega gaman að koma og spila þennan leik," sagði Kristján Guðmundsson, þjálfari Vals. „Það lá dálítið á okkur í byrjun og fyrsta markið skipti sköpum. Við bjuggum það til úr engu og það hjálpaði okkur að komast betur inn í leikinn." Um glæsimark Kolbeins sagði Kristján: „Já þetta var stórkostlegt mark og aukaspyrnumarkið hjá Rúnari einnig mjög gott," sagði Kristján. Valur mætir næst Stjörnunni í Pepsídeildinni þann 15. júní. „Menn verða klárir í þann leik, nú njótum við þess að vera komnir áfram í bikarnum og undirbúum okkur fyrir Stjörnuna en það er annar útileikur og annar baráttuleikur."
Íslenski boltinn Mest lesið Hafa ekki heyrt frá Hearts: „Kom mér jafn mikið á óvart og þér“ Íslenski boltinn Þarf vernd lögreglu vegna reiði Rómverja Fótbolti Nasistaborði í Magdeburg til rannsóknar Fótbolti Uppgjörið, viðtöl og myndir: Breiðablik - ÍA 2-0 | Afbragðsafgreiðsla Ísaks innsiglaði sigurinn Íslenski boltinn Sólveig keppti ólétt og á leið í þungunarrof Sport Uppgjörið: Valur - Stjarnan 2-2 | Gylfi Þór jafnaði með stórkostlegu marki Íslenski boltinn „Algjör synd að við fengum ekkert út úr þessum leik“ Íslenski boltinn Háspenna er FH vann Hafnarfjarðarslaginn Handbolti Arnar sagður líklegur til að taka við í Skotlandi Íslenski boltinn Marlena er sigurvegari Bakgarðshlaupsins Sport Fleiri fréttir Uppgjörið, viðtöl og myndir: Breiðablik - ÍA 2-0 | Afbragðsafgreiðsla Ísaks innsiglaði sigurinn „Algjör synd að við fengum ekkert út úr þessum leik“ Uppgjörið: Valur - Stjarnan 2-2 | Gylfi Þór jafnaði með stórkostlegu marki Hafa ekki heyrt frá Hearts: „Kom mér jafn mikið á óvart og þér“ Sjáðu ótrúlega sjö mínútna þrennu Smith og tvennu Nadíu Arnar sagður líklegur til að taka við í Skotlandi „Við Mosfellingar erum öðruvísi, við erum sérstakir“ Fyrirliðinn framlengir og tekur slaginn í Bestu deildinni Uppgjörið: Fjölnir - Afturelding 0-0 | Afturelding fer aftur á Laugardalsvöll Sér eftir að hafa valið Val fram yfir KR Uppgjörið og viðtöl: Fram - Fylkir 2-0 | Langþráður sigur Fram setur níu tær í efstu deild að ári Uppgjörið: KR - Vestri 2-2 | Guy Smit bjargaði stigi fyrir KR Uppgjörið: Keflavík - ÍR 2-3 | Keflvíkingar í úrslitaleikinn Leik lokið: Breiðablik - Þór/KA 6-1 | Blikar skoruðu sex og eru áfram á toppnum Tveir varnarmenn KR meiddust á æfingu á Starhaga „Við fórum beint úr því að vera ömurlegir í frábærir“ „Það hlaut að koma að því“ Uppgjörið: KA bikarmeistari í fyrsta sinn Selfoss og KFA mætast í úrslitum „Er ekki bara kominn tími til að breyta þessu?“ „Okkar að stöðva drauma þeirra í fæðingu“ UEFA sé að missa þolinmæðina gagnvart Íslandi Iðrast gjörða sinna: „Var klárlega rangt af mér“ Uppgjörið og viðtöl: Víkingur - Þróttur 1-1 | Eitt stig á hvort lið í fremur rólegum leik „Ætlum að taka bikarinn norður, það er bara staðan“ „Held að þetta verði mjög erfiður leikur“ Seinna spjaldið var ekki viljandi: „Er bara pirraður og missi hausinn“ Uppgjörið: Afturelding - Fjölnir 3-1 | Brenndu víti en tóku tveggja marka forystu Húbba Búbba kippt af dagskrá: „Það eina sem ég spila í Víkinni er fótbolti“ Eftirsjá Gary Martin: „Mín skoðun, fólk mun ekki vera sammála henni“ Sjá meira
Uppgjörið, viðtöl og myndir: Breiðablik - ÍA 2-0 | Afbragðsafgreiðsla Ísaks innsiglaði sigurinn Íslenski boltinn
Uppgjörið, viðtöl og myndir: Breiðablik - ÍA 2-0 | Afbragðsafgreiðsla Ísaks innsiglaði sigurinn Íslenski boltinn