Veiði

Borgarstarfsmenn mokveiddu í Elliðaánum

Elínborg Ragnarsdóttir af framkvæmda- og eignasviði borgarinnar ánægð með flottan lax úr Sjávarfossi.
Elínborg Ragnarsdóttir af framkvæmda- og eignasviði borgarinnar ánægð með flottan lax úr Sjávarfossi. Mynd / Reykjavíkurborg.
Sannkallað mok mun hafa verið í Elliðaánum á föstudaginn þegar starfsmenn Reykjavíkurborgar mættu þar á bakkana. Alls veiddust 27 laxar á stangirnar sex sem er aldeilis skínandi árangur.

Sagt er frá þessu á vef Reykjavíkurborgar sem hefur fimm daga til umráða í Elliðaánum í sumar. Þar af veiði borgarstarfsmenn og "hvunndagshetjur" í þrjá daga.

"Áður voru þessir dagar notaðir af borgarfulltrúum, gestum Orkuveitu Reykjavíkur og fyrrverandi borgarstjórum. Nú er hafður sá háttur á að starfsmenn Reykjavíkurborgar eru hvattir til þess að benda á dugmikla samstarfsmenn sína og hefur það mælst afar vel fyrir," segir á reykjavik.is.

Veiðimenn borgarinnar á föstudag nutu aðstoðar frá félögum í Stangaveiðifélagi Reykjavíkur sem síðan fær tvo daga af áðurnefndum fimm fyrir barna- og unglingastarf félagsins.

gar@frettabladid.is

Stangveiði

Mest lesið




×

Mest lesið