Kirani James frá Grenada kom fyrstur í mark í 400 metra hlaupi karla á Ólympíuleikunum í kvöld. Hann tryggði um leið Grenada sín fyrstu verðlaun á Ólympíuleikum.
James kom í mark á tímanum 43,94 sekúndur sem er hans besti tími en kappinn er aðeins 19 ára. James vann einnig gullverðlaun á HM í Daegu á síðasta ári svo sigur hans í kvöld var engin tilviljun.
Annars fóru öll verðlaunin í hlaupinu til eyja í karabíska hafinu. Luguelín Santos frá Dóminíska lýðveldinu varð annar á 44,46 sekúndum og þriðji varð Lalonde Gordon frá Trínidad og Tóbagó á 44,52 sekúndum.
Athygli vakti að enginn Bandaríkjamaður komst í úrslitahlaupið. Bandaríkin hafa því sem næst verið í áskrift þegar kemur að gullverðlaunum og öðrum verðlaunum í greininni undanfarna áratugi.
Sá 19 ára tryggði Grenada sín fyrstu verðlaun á Ólympíuleikum
Kolbeinn Tumi Daðason skrifar

Mest lesið


Myndir frá sigrinum sem tryggði EM-sætið
Handbolti



Lærisveinar Alfreðs að stinga af
Handbolti

Styrmir skoraði tólf í naumum sigri
Körfubolti


Haaland sló enn eitt metið í gær
Fótbolti

Kristinn Albertsson nýr formaður KKÍ
Körfubolti

„Betri ára yfir okkur“
Handbolti