Minningartónleikar á afmælisdegi Sjonna

„Nú styttist óðum í minningartónleikana hans Sjonna okkar, þar sem tónlist þessa frábæra og hjartahlýja tónlistarmanns og gleðigjafa verður flutt," sagði Þórunn Erna Clausen á facebook síðu sinni á dögunum.

Tónleikarnir verða haldnir á afmælisdegi þessa dáða söngvara, eða þann 29.ágúst næstkomandi í Borgarleikhúsinu en þá hefði hann orðið 38 ára.

Það er óhætt að segja að um mikla tónlistarveislu verði að ræða en meðal þeirra frábæru listamanna og vina sem koma fram eru meðal annars; Magni Ásgeirsson, Bo Halldórsson, Stefán Hilmarsson, Jógvan Hansen, Vignir Snær Vigfússon, Guðrún Árný Karlsdóttir, Soffía Karls, Matthías Matthíasson, Hreimur Örn Heimisson, Gunnar Ólason, Erna Hrönn, Pálmi Sigurhjartarson, Benni Brynleifs, Róbert Þórhalls, Bjarni Ara og fleiri góðir.

Miðasala á tónleikana er hafin á midi.is og í miðasölu Borgarleikhússins.

„Love is you," sagði leikkonan að lokum.