Jökla ekki lengur á yfirfalli

Vatn í Jöklu er óðum batna enda ekkert yfirfall á Hálslóni lengur. Fimmtán laxar á land á tveimur vöktum.

Á vef Veiðiþjónustunnar Strengja er sagt frá því að lítið hafi verið veitt á Jöklusvæðinu undanfarna viku. Áin sé hins vegar að óðum að verða tærari þar sem ekkert yfirfall sé lengur á Hálslóni. Veiðimenn sem voru við veiðar í gærkvöldi veiddu 9 laxa og komu þeir á land í Jöklu sjálfri og hliðarám.

Samkvæmt vef Strengja gekk veiðin einnig glimmrandi vel í morgun en þá veiddust 6 laxar. Veiðimenn settu í fjóra í viðbót en misstu þá. Nokkrir þeirra fimmtán laxa sem komu á land þessar tvær vaktir voru nýrunnir. Var þetta ýmist smálax eða stórlax.

Veitt verður til 30. september í Jöklu og stefnir áin í 400 laxa ef fram fer sem horfir.

trausti@frettabladid.is