Óvissa um framtíð Vilanova vegna krabbameinsmeðferðar

Spænskir fjölmiðlar greina frá því að Tito Vilanova, þjálfari knattspyrnuliðs Barcelona, þurfi að fara í krabbameinsmeðferð. Óvissa ríkir um framtíð hans hjá félaginu.

Vilanova gekkst undir aðgerð í nóvember 2011 þegar æxli var fjarlægt. Talið er að Vilanova fari í aðgerð eins fljótt og mögulegt er og hann láti af störfum, í það minnsta tímabundið.

Barcelona hefur aflýst öllum fundum í dag en árlegur hádegisverður með fjölmiðlamönnum átti að fara fram í dag. Félagið hefur enn ekki tjáð sig um málið.