Sunday Times fer í mál við Lance Armstrong

Breska blaðið Sunday Times hefur ákveðið að fara í mál gegn fyrrum hjólreiðakappanum Lance Armstrong sem fékk lífstíðarbann á árinu og missti alla Tour de France titlana sína.

Blaðið vill fá eina milljón punda frá Armstrong. Sunday Times varð að greiða Armstrong 300 þúsund pund árið 2004 eftir að blaðið ásakaði Armstrong um að svindla. Þá fór Armstrong í blað en nú er staðan önnur.

Sunday Times vill fá sín 300 þúsund pund til baka og vill einnig bætur og kostnað greiddan.

Málið mun væntanlega fara fyrir dómstóla á nýju ári.