Ljúf og heimilisleg afurð Kjartan Guðmundsson skrifar 15. janúar 2012 08:00 Eldar. Fjarlæg nálægð. Eldar. Fjarlæg nálægð. Keflvíkingarnir Valdimar Guðmundsson, sá afbragðsflinki og blæbrigðaríki söngvari, og Björgvin Ívar Guðmundsson, úr gæðasveitinni Lifun og fleiri böndum, kynntu dúettinn Elda og þessa fínu plötu sem hliðarverkefni samhliða öðrum störfum fyrir jólin, sem sýnir sig kannski helst í því að hvorki er verið að finna upp hjólið né reyna of mikið á þolgæði þess. Stúdíóseta félaganna (ásamt góðu aðstoðarfólki, meðal annarra söngkvennanna Fríðu Dísar og Védísar Hervarar sem eiga frábæra spretti í röddum) á Siglufirði hefur skilað ljúfri og heimilislegri afurð, þar sem þjóðlagakennd kassagítarrólegheit eru í fyrirrúmi og yfir fáu sem engu er að kvarta varðandi allan flutning. Nokkur laganna eru gullfalleg (t.d. Ófæri vegur og Dropi í hafi) þar sem söngurinn ræður ríkjum, meðan fáar aðrar (Saga og Elskaðu mig) ná tæplega blindflugi, virðast líða vegna hugmyndaskorts og draga plötuna örlítið niður. Heilt yfir leyna textarnir, fullir af sársauka, á sér og verða betri við hverja hlustun. Sem sagt: Ljúf og falleg rólyndisplata frá miklu hæfileikafólki. -kg Mest lesið „Það er alveg hægt að vinna rifrildið, en þá tapar sambandið“ Makamál Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Tjáir sig í fyrsta sinn um bróðurmissinn Lífið Ein lausn er að liggja hlið við hlið og fróa sér Lífið „Fimm ár af allskonar og hamingjan er enn hér“ Lífið Göngutúr með umhverfissálfræðingi: „Árás inn í umhverfið“ og vannýttasta horn borgarinnar Lífið Best skipulagða geymsla landsins í glæsihúsi við Laugardalinn Lífið Mistök að eyða ekki meiri tíma með börnunum Lífið Fagnaði 35 árum í sólinni Lífið Púsluðu sig inn í undanúrslit þrátt fyrir hremmingar Lífið Fleiri fréttir Maður þurfti ekki að vera skyggn Melódrama, morð og hæfilega mikið bótox Sunna Gunnlaugs í skugga karlrembu á djasshátíð Alien Romulus: Ungmenna Alien May December: Seint koma sumir en koma þó Sjá meira
Eldar. Fjarlæg nálægð. Keflvíkingarnir Valdimar Guðmundsson, sá afbragðsflinki og blæbrigðaríki söngvari, og Björgvin Ívar Guðmundsson, úr gæðasveitinni Lifun og fleiri böndum, kynntu dúettinn Elda og þessa fínu plötu sem hliðarverkefni samhliða öðrum störfum fyrir jólin, sem sýnir sig kannski helst í því að hvorki er verið að finna upp hjólið né reyna of mikið á þolgæði þess. Stúdíóseta félaganna (ásamt góðu aðstoðarfólki, meðal annarra söngkvennanna Fríðu Dísar og Védísar Hervarar sem eiga frábæra spretti í röddum) á Siglufirði hefur skilað ljúfri og heimilislegri afurð, þar sem þjóðlagakennd kassagítarrólegheit eru í fyrirrúmi og yfir fáu sem engu er að kvarta varðandi allan flutning. Nokkur laganna eru gullfalleg (t.d. Ófæri vegur og Dropi í hafi) þar sem söngurinn ræður ríkjum, meðan fáar aðrar (Saga og Elskaðu mig) ná tæplega blindflugi, virðast líða vegna hugmyndaskorts og draga plötuna örlítið niður. Heilt yfir leyna textarnir, fullir af sársauka, á sér og verða betri við hverja hlustun. Sem sagt: Ljúf og falleg rólyndisplata frá miklu hæfileikafólki. -kg
Mest lesið „Það er alveg hægt að vinna rifrildið, en þá tapar sambandið“ Makamál Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Tjáir sig í fyrsta sinn um bróðurmissinn Lífið Ein lausn er að liggja hlið við hlið og fróa sér Lífið „Fimm ár af allskonar og hamingjan er enn hér“ Lífið Göngutúr með umhverfissálfræðingi: „Árás inn í umhverfið“ og vannýttasta horn borgarinnar Lífið Best skipulagða geymsla landsins í glæsihúsi við Laugardalinn Lífið Mistök að eyða ekki meiri tíma með börnunum Lífið Fagnaði 35 árum í sólinni Lífið Púsluðu sig inn í undanúrslit þrátt fyrir hremmingar Lífið Fleiri fréttir Maður þurfti ekki að vera skyggn Melódrama, morð og hæfilega mikið bótox Sunna Gunnlaugs í skugga karlrembu á djasshátíð Alien Romulus: Ungmenna Alien May December: Seint koma sumir en koma þó Sjá meira