Ánægður með Gervais

Paul Telegdy, forstjóri sjónvarpsstöðvarinnar NBC, er mjög ánægður með frammistöðu grínistans Rickys Gervais sem kynnis á Golden Globe-verðlaununum.

„Mér fannst hann hitta í mark. Hann mætti þarna, var hann sjálfur og skemmti sér vel. Hann fékk líka stuðning stærstu stjarnanna. Ég hló allan tímann,“ sagði Telegdy, sem vill glaður fá Gervais aftur sem kynni fjórða árið í röð.

Gervais var sjálfur ánægður með hvernig til tókst en virðist ekki ætla að endurtaka leikinn. „Núna er ég pottþétt hættur. Það er nóg að gera þetta þrisvar sinnum.“