Dr. Dre er ríkastur

Dr. Dre er ríkasti rappari heims, samkvæmt tímaritinu Forbes. Kappinn þénaði 110 milljónir dollara síðastliðið ár, eða um 13,5 milljarða króna.

Í öðru sæti var Diddy með um 5,5 milljarða króna og skammt undan var Jay-Z með um 4,7 milljarða.

Í fjórða og fimmta sæti voru Kanye West og Lil Wayne. Dr. Dre er rappari og upptökustjóri og selur einnig hin vinsælu heyrnartól Beats By Dre.

Aðeins ein kona er á lista yfir tuttugu vinsælustu rapparana, eða Nicki Minaj. Hún er í áttunda sætinu, fyrir ofan Eminem, með tekjur upp á tæpa tvo milljarða.