Eminem spilar á Reading

Eminem hefur verið bókaður á tónlistarhátíðirnar í Reading og Leeds á næsta ári. Þetta verður í fyrsta sinn sem hann spilar á hátíðunum í rúman áratug, eða síðan 2001. Þá endaði hann tónleikana sína með því að syngja dúett með rokkaranum ófrýnilega, Marilyn Manson.

Rapparinn, sem sló í gegn með plötunni The Slim Shady LP árið 1999, hefur selt yfir eitt hundrað milljónir hljómplatna á ferli sínum. Hann syngur á aðalsviðinu ásamt Deftones. Hljómsveitin Alt-J, sem vann hin virtu Mercury-verðlaun á dögunum, spilar á minna sviði.