Sniðugir aukabitar

4. janúar 2013 17:00

Lykillinn að stöðugum blóðsykri og mikilli brennslu er að borða reglulega og ekki mjög mikið hverju sinni. Þess vegna skiptir aukabitinn máli.

Þetta og fleira fróðlegt segir í bókinni Sex kíló á sex vikum eftir Ulrika Davidsson og Ola Lauritzson, sem bókaútgáfan Bjartur & Veröld gaf út nýverið.

Hér má finna uppskriftir að nokkrum aukabitum með lágum sykurstuðli sem einfalt er að útbúa:

Berið þeytinga fram í fallegum glösum, það er einfaldlega skemmtilegra að drekka þá svoleiðis.

Jarðarberjaþeytingur

1 dl frosin jarðarber

1 dl hrein jógúrt eða skyr

1 dl appelsína

Takið börkinn af appelsínunni, setjið allt í blandarann og blandið í nokkrar sekúndur. Berið strax fram.

Orkustangir

Tilvalið nesti til að taka með í vinnuna og í ferðalög. 25-30 stk.

600 g sykurlaust granóla

1 dl trönuber

½ dl furuhnetur

2 dl af blönduðum fræjum, s.s. graskersfræ og sólblómafræ

2 egg

Hitið ofninn í 175 gráður. Blandið öllu hráefninu saman í skál. Klæðið ofnskúffuna með bökunarpappír og dreifið blöndunni í skúffuna. Látið kólna og skerið síðan í bita.

Mangó- og trönuberjakúlur

12 stk.

2 sneiðar þurrkað mangó

1 dl kasjúhnetur

1 dl trönuber

3 dl kókósmjöl

½ dl vatn

Leggið mangóið í bleyti í nokkrar mínútur. Malið kasjúhneturnar í matvinnsluvél í nokkrar sekúndur. Bætið mangósneiðum, trönuberjum, helmingnum af kókosmjölinu og vatni út í og hrærið í jafnt deig. Mótið deigið í litlar kúlur og veltið upp úr afganginum af kókosmjölinu. Geymið á köldum stað.

Súkkulaðikúlur

12 stk.

2 gráfíkjur

½ dl vatn

1 dl kasjúhnetur

½ dl kakó

1 dl kókósmjöl

1 dl sesamfræ

Leggið gráfíkjurnar í bleyti í nokkrar mínútur. Malið kasjúhneturnar í matvinnsluvél í nokkrar sekúndur. Bætið við gráfíkjum, kakói og kókosmjöli og hrærið í jafnt deig. Mótið deigið í litlar bollur og veltið upp úr sesamfræjum. Geymið á köldum stað.