Þreyta er engin afsökun | myndband

Það er sannkallaður stórleikur á HM í kvöld er Ísland og Danmörk mætast á heimsmeistaramótinu á Spáni. Það er mikið undir í þessum leik gegn frændum okkar. Það er landsliðsfyrirliðinn Guðjón Valur Sigurðsson sem gefur tóninn en Of Monsters and Men leika fyrir dansi í myndbandinu hér að ofan.

"Menn skulu bara gera svo vel að bíta sig í gegnum þann sársauka sem þetta er, annars geta þeir bara komið sér heim. Þreyta er afsökun sem ég kaupi aldrei," segir Guðjón.

Upphitun fyrir leikinn hefst 18.10 á Stöð 2 Sport. Rakel Dögg Bragadóttir landsliðskona og Henry Birgir Gunnarsson íþróttafréttamaður fara í gegnum íslensku baráttuna í leiknum gegn Makedóníu í gær, sambærilega leiki og styrkleika íslenska liðsins fyrir Danaleikinn.

Síðan fara sérfræðingarnir Geir Sveinsson og Guðjón Guðmundsson í hvaða atriði íslenska liðið þarf að laga til að ná sigri gegn Dönum í kvöld.