Bieber syngur lag um fyrrverandi

Poppgoðið Justin Bieber er búinn að semja lag um sambandsslit sín og ungstirnisins Selenu Gomez. Lagið heitir Nothing Like Us og er á plötu hans Believe Acoustic sem kemur út í dag.

Nothing Like Us er ballaða þar sem Justin gerir upp samband sitt við Selenu.

"Lagið segir söguna um hvernig hann hætti með henni, hvernig hún bað hann um að taka sig aftur og þegar hann ákvað að þetta væri búið. Þetta er svar hans til Selenu," segir vinur Justins.

Í laginu gefur Justin til kynna að hann hafi elskað sína fyrrverandi en þyldi ekki dramað í kringum sambandið.

Þú gætir unnið - vertu með okkur á Facebook.