Stórir fiskar og svæsin ævintýri - Rise kvikmyndahátiðin

Kvikmyndahátíðin Rise, sem helguð er fluguveiði, hefst í Bíó Paradís í mars en þetta er þriðja árið í röð sem hátíðin er haldin. Stórir fiskar og svæsin ævintýri spila stóra rulllu í dagskrá Rise, að því er segir á vef hátíðarinnar.

Aðalmynd hátíðarinnar í ár er Predator - nýjasta mynd Nick Reygaert hjá Gin-Clear Media en myndin hlaut Drake-verðlaunin fyrir bestu fluguveiðimyndina í fyrra. Í þessari mynd skoðar hann fiska sem éta aðra fiska. Brot úr myndinni má sjá hér að ofan.

Í The Arctic er fjallað um bleikjuveiði í Kanada og það engar smábleikjur.

Sjá Only the river knows er meðal annars tekin upp við Lethe-ána í Nýja-Sjálandi sem og í Svíþjóð og Noregi. Brot úr myndinni má sjá hér.

Jungle fish er stuttmynd um ævintýraferð nokkurra fluguveiðimanna í leit að stærstu ferskvatns fisktegund í heimi. Brot úr myndinni má sjá hér.

Styrktaraðilar hátíðarinnar verða með kynningu á vöru og þjónust áður en sýningin hefst auk þess sem dregið verður úr happdrættismiðum í hléi.

Miðasala fer fram í Veiðivon, Mörkinni 6 og hefst kl. 11:00 þann 15. Febrúar. Miðaverð er kr. 2.300. Helstu styrktaraðilar hátíðarinnar eru Veiðiþjónustan Strengir, Veiðikortið, Veiðivon, Bókamarkaður í Perlunni, Veiðifélagið Hreggnasi, Lax-á, Servida & Besta, Hafið-Fiskiprinsinn, IG Veiðivörur og English Pub. Frekari upplýsingar er hægt að finna á heimasíðu hátíðarinnar http://www.rise.is/